Sining sa Piitan
Ang magkapatid na Juan at Antonio Luna ay ipinakulong sa Fort Santiago nang pumutok ang himagsikan nuong Agosto 1896. Dahil sa kainipan, kinuha ni Juan ang kanyang brocha at nagsimulang magpinta ng maliliit na larawan sa pader ng kanyang piitan. Sa di inaasahan, ang mga pinta o doodle na ito ay nawala na. Tanging ang larawan na ito na lamang ang patunay na maging sa piitan ay napamalas ni Juan Luna ang kanyang sining.
Katunayan, nagawa pang magpinta ni Juan ng mga ipis, langgam at anu pang insecto sa mga biyak ng mga pader na aakalain mong totoo ang mga ito. Marahil mapilitan ka pang hamapsin ito ng tsinelas hanggang mamatay!
